کراچی : فلیٹ سے ملنے والی لاش کس خاتون کی ہے؟ پولیس نے معمہ حل کرلیا

Source: ARYNews.tv | Urdu - Har Lamha Bakhabar
Author: ویب ڈیسک

کراچی : گزشتہ روز فلیٹ سے ملنے والی خاتون کی لاش کی شناخت ہوگئی، پولیس نے کہا شبہ ہے کوئی خاتون کی جان پہچان کا شخص ہے جس نے قتل کیا۔

تفصیلات کے مطابق کراچی کے علاقے آرام باغ تھانے کی حدود سے خاتون کی لاش ملنے کے واقعے میں پولیس نے بتایا کہ خاتون کی لاش گزشتہ روز فلیٹ سے ملی،2 روز قبل قتل کیا گیا، خاتون کی شناخت 60سالہ صابرہ کے نام سے ہوئی۔

پولیس کا کہنا تھا کہ دروازے کےباہر تالا لگا ہوا تھافون نہ اٹھانے پر بھائی گھرپہنچا، خاتون بیوہ ہیں گھر میں اکیلی رہتی تھیں۔

حکام نے کہا کہ خاتون کے منہ پر شاپر چڑھا ہوا تھا گھر کا سامان بھکرا ہواتھا، شبہ ہے کوئی خاتون کی جان پہچان کاشخص ہے جس نےقتل کیا۔

خاتون کو قتل کرنے کے بعد گھر میں لوٹ مار کی گئی، تحقیقات جاری ہیں،کرائم سین یونٹ نےشواہد جمع کر لئے، جلد ملزمان کو گرفتار کر لیا جائے گا۔