Меѓународен таеквондо турнир во Олимписко Таеквондо - Ohrid OPEN 2024 - Ohridpress - Брзо, точно, проверено... Се за Охрид
Source: Ohridpress - Брзо, точно, проверено... Се за Охрид
Охрид, 6. април 2024 (ОХРИДПРЕС) - Охрид денеска ќе биде домаќин на Меѓународен таеквондо турнир во Олимписко Таеквондо - Ohrid OPEN 2024.
Турнирот е во организација на Таеквондо клубот "Хваранг Фист" и Македонската Таеквондо Федерација, а во согласност со турнирскиот систем на Македонската Теквондо федерација и под покровителство на Општина Охрид.
- На турнирот се очекуваат повеќе од 300 натпреварувачи од 14 клубови од Република Македонија, Србија, Црна Гора, Албанија, БиХ и Косово. Свеченото отворање на турнирот е закажано за 13:00 во СРЦ "Билјанини извори" од страна на Градоначалникот на Охрид д-р Кирил Пецаков. Гости на отворањето ќе бидат и Дејан Ѓорѓиевски, освојувачот на сребрен Олимписки медал за Република Македонија на Олимписките игри во Токио и Милја Релјиќ потенцијални идни олимпијци за наредните ОИ, информираат организаторите.
На отворањето ќе присуствуваат и градоначалниците на општина Бутел во Скопје Дарко Костовски и на општина Ѓорче Петров д-р Александар Стојкоски.
За организацијата на самиот турнир, учесниците и очекувањата, повеќе од интервјуто со Ангела Ѓорѓиоска и Стефан Јосифоски од организациониот одбор. (Крај)
