யாழிலிருந்து சென்ற தொடருந்து தடம்புரண்டு விபத்து.! பரிதாபமாக உயிரிழந்த யானை - ஐபிசி தமிழ்

Source: IBC Tamil

வவுனியா (Vavuniya) - கனகராயன்குளம் காட்டு பகுதியில் தொடருந்து ஒன்று யானையுடன் மோதி தடம்புரண்டுள்ளது.

குறித்த சம்பவம் நேற்று (25) இடம்பெற்றுள்ளதாக தெரிவிக்கப்படுகின்றது.

யாழில் (Jaffna) இருந்து அனுராதபுரம் (Anuradhapura) நோக்கி சென்ற தொடருந்து கனகராயன்குளம் காட்டு பகுதியில் தொடருந்து பாதையினை ஊடறுத்து சென்ற யானை மற்றும் குட்டியுடன் மோதுண்டுள்ளது.

இந்த நிலையில், தாய் யானை சம்பவ இடத்திலே பலியாகியுள்ளதுடன், யானை குட்டி காயங்களுடன் பொதுமக்களின் உதவியுடன் மீட்கப்பட்டதுடன் மேலதிக சிகிச்சைக்காக வனஜீவராசிகள் திணைக்களத்தினால் (Ministry of Wildlife and Forest Resources Conservation) எடுத்துச் செல்லப்பட்டதாக தெரிவிக்கப்படுகின்றது.

மேலும், விபத்து காரணமாக நான்கு மணி நேரத்தின் பின்னர் மற்றுமொரு தொடருந்து சேவை ஊடாகவே பயணிகள் அழைத்துச் செல்லப்பட்டமை குறிப்பிடத்தக்கது.